Zv/kryeministrja Balluku në kompaninë fason: I shërben punësimit dhe ekonomisë së qytetit të Lushnjës

Zv/kryeministrja, njëherësh ministre e Infrastrukturës dhe Energjisë, Belinda Balluku vizitoi sot një kompani tekstile në Lushnjë, nga ku siguroi se qeveria do ndërmarrë çdo lehtësi për të mbështetur sektorin e biznesit.

Balluku theksoi rëndësinë e kësaj kompanie në punësimin dhe ekonominë lokale. ”Tek fasoneria AL-TEXTILE, ku prodhohen veshje profesionale për industri të ndryshme, falë bashkëpunimit me kompani europiane. Sebi jeton në Tiranë, por prej 9 vitesh ka ngritur sipërmarrjen e saj në qytetin e Lushnjës, duke i shërbyer punësimit dhe ekonomisë së qytetit. Kemi mbështetur dhe do të vijojmë të mbështesim çdo nukël ekonomike duke krijuar lehtësira për të nxitur çdo investitor”, deklaroi ajo.

Eksportet e tekstileve dhe këpucëve, që përbëjnë një zë të rëndësishëm të tregtisë së jashtme të Shqipërisë, gjatë vitit 2024 llogariten në 105 miliardë lekë.