Në Serbi po mbahen në mbi 200 tubime në mbështetje të serbëve në Kosovë. Tubimet zhvillohen në qytete dhe fshatra nga Subotica e deri në Vranjë, përfshirë Beogradin, Novi Sadin, Kragujevcin, Nishin, Kruševcin, Zrenjaninin, Kraljevon, madje edhe Leskovacin, aty ku në mbrëmje kombëtarja shqiptare do të luajë me Serbinë. Tubimet nisin në orët 17:00 dhe 17:30. Presidenti serb Aleksandar Vuçiç tha se këto mbledhje janë “shenjë solidariteti dhe uniteti kombëtar” dhe synojnë të tregojnë mbështetje për popullin serb në Kosovë, si dhe kundërshtimin ndaj “bllokadave dhe dhunës politike”.