Gjuha shqipe, profesor Selmani: Partitë maqedonase i shikojnë shqiptarët si rrezik

Profesori Bashkim Selmani thotë se çështja e gjuhës shqipe në në Maqedoninë e Veriut, mbetet peng i interpretimeve politike dhe juridike që, sipas tij, kanë diskriminuar shqiptarët ndër vite. Për të partitë maqedonase i shikojnë shqiptarët si rrezik, ndërsa sipas tij politika shqiptare nuk është interesuar asnjëherë.

“Partitë, subjektet politike maqedonase, gjithmonë shqiptarët i mbajnë si rrezik për ato dhe të gjitha subjektet që bëjnë politikë. Ka dhe grup prej 15 juristëve që janë juristë nga Fakulteti i Drejtësisë dhe gjithë ato ligjet që i bëjnë. Një nga këto 20% që ka e ka hedhur në marrëveshje pikërisht kanë qenë pedagogë universitarë. Fatkeqësisht politika shqiptare asnjëherë nuk është interesuar. Mua nuk më ka ftuar njeri deri tani të thotë hajde se ta zgjedhim një çështje që ta jetësojmë në aspektin juridik”.

Selmani tha se pas Marrëveshjes së Ohrit shqiptarët nuk u trajtuan si bashkësovranë në shtet, por si minoritet. “Ne humbëm betejën, sepse duhet të ishim pjesë sovrane e shtetit me bashkësovranitet dhe bashkëbarazi. Në këtë rast maqedonasit ishin më të zgjuar dhe ato e futën në pjesën e dytë, pra gjuhën shqipe dhe qytetarët shqiptarë i lanë si pjesë e dytë, jo pjesë sovrane. Dhe tani kjo nënkupton, vetë pagëzimi 20% e hedh në minoritet. Tani ne bëjmë luftë me njëra-tjetrën, flas për subjektet. vetë ligji prodhon fatkeqësisht ngulfatje të të drejtave kombëtare, sepse këto të drejta duhet të ligjësohen dhe legjislacioni të vihet në funksion për të pasur elementin e barazisë”.

Teksa kritikoi partitë shqiptare, ai tha se protestat e studentëve shqiptarë në Shkup dhe mbështetja që po marrin nga Shqipëria dhe Kosova tregojnë lindjen e një brezi të ri që nuk pranon më kompromis me të drejtat kombëtare.

“Unë jam shumë i lumtur sot sepse studentëve gjithmonë nëpër auditori u themi një rregull ndaj çdo padrejtësie duhet të reagohet në kohën dhe në momentin e duhur. Unë shpresoj që studentët me këtë rast kanë bërë largimin nga frika, kanë thënë ndal injorancës, të vlerësojmë më të mirin, po ashtu dhe forma me të cilën tanë ato padrejtësitë që insistuan ose mund t’i themi të drejtat që dikush duhej t’i realizojë, nuk e bëri punën e tyre, abuzoi, tregtoi, diskriminoi, e kështu me radhë. Të gjitha këto kanë qenë interesa personale që thjesht u tregtohen të drejtat kombëtare dhe tash doli kjo në sipërfaqe”. /A2cnn/