Gjuriç: Prishtina e do Asociacionin pa fuqi ekzekutive, atë film s’kanë për ta parë

Drejtori i Zyrës për Kosovën në Qeverinë e Serbisë, Marko Gjuriç, deklaroi se Serbia do ta mbështesë punën për krijimin e AKS-së, por jo bazuar në vendimin e Gjykatës Kushtetuese të Kosovës. Ai tha se Kosova nuk e do Asociacionin.

“Ne duam që Asociacioni të ketë fuqi. Prishtina do që Asociacioni të mos ketë këtë fuqi, por nuk do ta shihni atë film”, ka thënë ai, shkruan Tanjug.

Po ashtu Gjuriç deklaroi se drejtuesit e institucioneve të Kosovës nuk po tregohen të sinqertë për afatin që ka vënë BE për themelimin e AKS-së.