IFIMES: BDI një kukull në duart e Gruevskit

“Zgjedhjet e parakohshme parlamentare të cilat ishin parashikuat të mbahen më 24 prill, janë shtyer në deri më muajin qershor. Zgjedhjet janë pasojë e marrëveshjes së Përzhinës, e arritur mes katër liderëve të partive më të mëdha në Maqedoni”.

Kështu fillon analiza e Institutit Ndërkombëtar për Studimet në Lindjen e Mesme dhe Ballkan (IFIMES)  për zhvillimet e fundit politike në Maqedoni.

“Ndërkohë, partia shqiptare në pushtet në fillim të prillit 2016 taktikisht e la koalicionin qeverisës në interes të regjimit  për “të çimentuar” datën zgjedhjeve të parakohshme parlamentare më 5 qershor të vitit 2016 dhe në këtë mënyrë edhe një herë tregoi dhe konfirmoi se është vetëm një kukull në duart e Nikolla Gruevskit (VMRO-DPMNE)”, thuhet në këtë analizë, siguruar nga agjencia INA.

Sipas këtij studimi, edhe partia tjetër shqiptare, PDSH, gjatë gjithë kohës ka vepruar në funksion të regjimit.

“Shqiptarët për shkak të BDI-së dhe PDSH kanë mbetur pa përfaqësuesit e tyre në institucionet e shtetit maqedonas.

Për këtë arsye, kryeministri shqiptar Edi Rama ka vendosur të anulojë çdo mbështetje ndaj Ali Ahmetit dhe Menduh Thaçit.

Pas dhjetë viteve në pushtet, koalicioni VMRO-BDI e kanë vjedhur shtetin dhe demokracinë”, thekson ndër të tjera analiza.