KFOR ruan objektet komunale, serbët: Protestojmë paqësisht

Trupat e NATO-s qëndrojnë në gatishmëri për të parandaluar çdo shpërthim të mundshëm të tensioneve të reja që kanë përfshirë veriun e Kosovës.

Pas skenave të dhunës që alarmuan komunitetin ndërkombëtar ditën e hënë në Zveçan, ku mbetën të plagosur rreth 30 ushtarë të KFOR, nga lideri Listës Serbe, vijnë tani thirrje për paqe.

Qytetarët sakaq, ankohen se prania e shtuar e trupave ushtarake ka penguar jetën e përditshme në Zveçan. “Forcat speciale bllokuan qarkullim dhe ata nuk po lejojnë që kamionët tonë të mallrave të transportojnë minerale nga miniera. Rroga jonë del nga ajo që prodhojmë”, shprehet Darko Miljeviç.

Përveç Zveçanit, protestat vijojnë edhe në Zubin Potok dhe Leposaviç, ku trupat e NATO-s ruajnë godinën komunale, ku kryetari shqiptar gjendet brenda, që prej trazirave të 29 majit.