Shefi i diplomacisë greke, Nikos Kotzias pritet të zhvillojë një vizitë zyrtare në Shkup, njoftoi televizioni grek “Alfa”, që shtoi se java e ardhshme do të jetë vendimtare për negociatat mes dy vendeve për çështjen e emrit, ndërkohë që Kotzias pritet t’i dorëzojë homologut të tij maqedonas projektmarrëveshjen e rastit, të përgatitur nga pala greke.
“Pritet që Kotzias ta vizitojë Shkupin në ditët në vazhdim me fluturimin e parë në aeroportin që do të ketë tani emrin e ri ‘Aeroporti Ndërkombëtar i Shkupit’, njoftoi televizioni “Alfa”.
Sipas këtij televizioni, në projektmarrëveshje, përveç emrit, do të përfshihen dhe ndryshimet në Kushtetutë, që Athina i kërkon Shkupit për “heqjen e pozitave irredentiste”.
