Në Rumani në tre vitet e fundit ekziston një shaka mes politikanë, e cila nuk ju shkakton buzëqeshje, por përkundrazi ju mbjell frikë deri në ashtë. Gjëja më e fundit që ata dëshirojnë të dëgjojnë është: “Po ju kërkon Laura Kodruta Kovesi. Dëshiron të takohet me ty”.
Kur në një intervistë e pyetën se a ndjen keqardhje për njerëzit që i akuzon? Ajo u përgjigj: Di të jem korrekte në aktivitetet e mia, andaj nuk kam arsye të ndjej keqardhje për ta. Ne nuk gjykojmë në bazë të emocioneve.
Laura Kodruta Kovesi kishte vetëm 33 vjet kur erdhi në funksionin e Prokurorit Publik në Rumani, në vitin 2006. Në dy mandate nga tre vite, në vitin 2013 u ngjit në shkallën më të lartë të gjyqësorit, kur u emërua si Kryeprokurore e Drejtorisë Kombëtare për luftimin e Korrupsionit në Rumani, institucion që u formua që të luftoj korrupsionin në majën e institucioneve shtetërore dhe në qeverinë, kur Rumania përgatitej që t’i bashkëngjitet Bashkimit Evropian.
Që nga ajo kohë ajo ka proceduar akuza për korrupsion kundër politikanëve kryesor të të gjitha partive: kundër ish ministres Elena Udrea, kryetarit të Bukureshtit Sorin Opresku, vëllait të ish kryetarit Trajan Basesku, i cili u arrestua kur Basesku ende ishte shef i shtet, ndërsa vitin e kaluar në shtator ka nisur procedurë kundër kryeministrit Viktor Ponta i cili më pas dha dorëheqje.
Drejtoria Kombëtare për luftimin e Korrupsionit në krye me Kovesi për dy vite jo të plota ka hapur rreth 6000 mijë lëndë, ndërsa kundër 1200 personave kanë ngritur akt-akuza për korrupsion.
Në vitin 2015 kanë nisur procese gjyqësore kundër ish kryeministrit Ponta, pesë ministra, pesë senatorë, kryetar komunash, gjykatës, policë, drejtorë. Vitin e kaluar prokuroria speciale ka urdhëruar konfiskimin e 494 milion eurove, aq sa është dëmtuar shteti.
Drejtoria Kombëtare për luftimin e Korrupsionit ka rreth 500 të punësuar, prej tyre 140 prokurorë, 190 policë dhe 50 ekspertë.
Ajo është kritikuar se luan lojëra politike, ndërsa kundërpërgjigja e saj është se Drejtoria Kombëtare për luftimin e Korrupsionit përndjek gjithë funksionarët për të cilët ekziston dyshimi për korrupsion. Në vitet e fundit, thotë ajo, janë hapur hetime për politikanë nga të gjitha partitë, qofshin ato të pozitës apo opozitës.