Mogherini e bind Vuçiçin që të implementohen marrëveshjet Kosovë – Serbi

Shefja e Politikës së Jashtme dhe e Sigurisë së Bashkimit Europian, Federica Mogherini, ka folur të enjten në telefon me kryeministrin serb Aleksandar Vuçiq, për implementimin e marrëveshjeve që kanë dalë nga dialogu Prishtinë – Beograd.

“Ata janë pajtuar në nevojën e implementimit të shpejtë të të gjitha marrëveshjeve të arritura, në të mirë të popullit”, thuhet në një deklaratë të Shërbimit të Jashtëm të Bashkimit Europian, transmeton “Klan Kosova”.