Pas incidentit të Sheshel me flamurin, Kroacia shpall ‘non grata’ ministrin serb

Raportet ndërmjet Kroacisë dhe Serbisë po përkeqësohen edhe më shumë. Pas djegies së flamurit kroat nga Sheshel, kanë qenë disa deklarata të ministrit serb të Punës, Aleksandër Vulin që nuk i kanë pëlqyer liderëve kroatë. Gjatë një ceremonie përkujtimore për viktimat në kampin Jasenovac, Vulin deklaroi se do të shkonte në Kroaci, ndërsa theksoi se nuk kishte pse pyete ministrat kroatë, por Vuçiçin.

“Sigurisht që këto ditë nuk do të shkoja në Jasenovac. Do të shkoja vetëm ku ka serbë, pasardhës të viktimave. Dhe ai që do të vendoste është komandanti suprem i Serbisë, Aleksandar Vuçiç e jo ministrat kroatë”, kishte thënë dje Vulin, transmeton lajmi.net. Kjo deklaratë kaq direkte, ka shkaktuar reagim të ashpra në Kroaci.