Presidenca greke e BE: Prioritet anëtarësimi i Ballkanit Perëndimor

Ministri i Jashtëm grek, George Gerapetritis bën me dije se avancimi i kërkesave të vendeve të Ballkanit Perëndimor për anëtarësim në BE do të jetë një përparësi kryesore gjatë Presidencës greke të Këshillit të Bashkimit Evropian në gjysmën e dytë të vitit 2027.

Duke folur në Sarajevë pas bisedimeve me Ministrin e Jashtëm të Bosnjës dhe Hercegovinës, Elmedin Konakovic, Gerapetritis tha se Greqia do të punojë për të siguruar përparim të prekshëm në zgjerim.

Ai përsëriti mbështetjen e kahershme të Athinës për integrimin e rajonit në BE, por theksoi se pranimi varet nga përmbushja e standardeve të BE-së mbi demokracinë, sundimin e ligjit dhe marrëdhëniet e fqinjësisë së mirë. Ministri njoftoi gjithashtu rifillimin e fluturimeve direkte midis Athinës dhe Sarajevës në tetor.