PROTESTA/ Shkupi bëhet kuq e zi, studentët shqiptarë: Nuk heqim dorë, shqipja shkruhet dhe flitet

Studentët shqiptarë në Shkup kanë nisur këtë pasdite protestën e dytë për përdorimin e gjuhës shqipe në institucionet e Maqedonisë së Veriut. Kërkesat janë zgjeruar dhe studentët kërkojnë që gjuha shqipe të përdoret në çdo institucion shtetëror dhe në çdo komunikim institucional në Maqedoninë e Veriut. Studentët shprehen edhe se ata nuk heqim dorë, dhe se shqipja shkruhet dhe flitet. ”Kjo protestë erdhi si pasojë e moslejimit të dhënies së provimit të jurisprudencës në gjuhën shqipe. Pas protestës së parë, qeveria nuk reflektoi për kërkesat tona. Sot jemi mbledhur sërish për t’u treguar se nuk nënshtrohemi dhe nuk do të lejojmë të na shkelin të drejtat. Ne nuk do të dorëzohemi, nuk do t’i lëmë të na shkelin; shqipja flitet dhe shkruhet”,-u shprehën ata.