Rikthehet gjuha e luftës, por në Kosovë do mbahet stërvitja ushtarake ”Defender Europe 23”

Në mesin e thirrjeve që thërrasin një luftë në Ballkanin Perëndimor, Kosova është vendi pritës i stërvitjes së aleancës ushtarake të NATO-s në rajonin e Ballkanit, ”Defender Europe 23”. Ministri i Mbrojtjes në Kosovë, Armend Mehaj, teksa ka bërë me dije lajmin, ka thënë se ushtria e Kosovës do të marrë pjesë me dy regjimente. Për të stërvitja ushtarake do të dëshmojë përgatitjen dhe profesionalizmin e lartë të ushtrisë së Kosovës.

Ditët e fundit është rikthyer gjuha e luftës. Kryeministri i Kosovës, Albin Kurti ka deklaruar këto ditë për media të huaja se Serbia po kërcënon me rrënimin e stabilitetit dhe paqes në rajon.

Edhe presidentja e Kosovës, Vjosa Osmani ka përmendur rrezikun e instrumentalizimit të Serbisë dhe serbëve në Kosovë nga forca të jashtme, në radhë të parë nga Rusia, kjo për qëllime të saj.