Vrasja e Liridonës! Lihen në paraburgim edhe për dy muaj tre të dyshuarit, mes tyre edhe burri

Tre të dyshuarit për vrasjen e Liridona Ademajt, që janë: Naim Murseli, Kushtrim Kokalla dhe Granit Plava, u është caktuar vazhdimi i paraburgimit edhe për dy muaj. Liridona Ademaj, u vra më 29 nëntor, në rrugën “Dalip Alshiqi” në Prishtinë.

“Ju njoftojmë se pas kërkesës së Prokurorisë Themelore në Prishtinë për vazhdimin e masës së paraburgimit në çështjen penale kundër të pandehurve N.M, G.P, dhe K.K, Gjykata Themelore në Prishtinë-Departamenti për Krime të Rënda ka aprovuar kërkesën e Prokurorisë, ashtu që tre të pandehurve iu vazhdohet masa e paraburgimit në kohëzgjatje prej dy muaj, për secilin. Masa e paraburgimit të pandehurve iu është vazhduar nga data 31.12.2023 deri më datë 29.02.2024”, thuhet në njoftim.