Vuçiç dorëzohet para Kosovës, ja për çfarë bëhet fjalë

Presidenti serb, Aleksandër Vuçiç dorëzohet edhe njëherë tjetër përballë rregullave të vendosura nga institucionet në Kosovë. Banka shtetërore serbe ka hapur 4 degë të improvizuara me kapanone në territorin e Serbisë, pranë kalimeve kufitare me Kosovën në Jarinjë, Merdarë, Dheu i Bardhë dhe Bërnjak.

Sipas Beogradit zyrtar, serbët e Kosovës mund të shkojnë në këto degë për të tërhequr pensionet dhe pagat e tyre që u jepen nga shteti serb.

Secila prej këtyre 4 degëve është e pajisur me një bankomat, ndërsa pika bankare do të shërbejë edhe për të këmbyer valutat. Gjithashtu janë vënë në dispozicion edhe dy degë të tjera të lëvizshme me rrota që do të operojnë përgjatë vijës kufitare mes Serbisë dhe Kosovës.

E ashtuquajtura zyrë për Kosovën në qeverinë e Beogradit shton se “kjo zgjidhje teknike është e përkohshme deri sa të gjendet një zgjidhje për pagesat në zonat serbe në Kosovë”.