Zjarret në Athinë, arrin në 87 numri i të vdekurve

Një 62 vjeçar vdiq në spitalin e Athinës të premten si pasojë e djegieve në shkallë të gjerë, duke rritur numrin e viktimave nga zjarret vdekjeprurëse të së hënës në Attica, në 87.

Viktima po mbahej në terapi në Spitalin Evangelismos të kryeqytetit, por mjekët nuk ishin në gjendje të shpëtonin jetën e tij.

Departamenti përkatës në spitalin e Athinës ka deklaruar se ka kryer 86 autopsi për viktimat e zjarreve.

Ka shqetësime se numri i viktimave do të rritet më tej, pasi dhjetra njerëz janë raportuar të humbur dhe grupet e shpëtimit  nuk kanë përfunduar kërkimin në zonën e prekur dhe të gjitha ndërtesat e saj.