Dëshironi lëkurë të shëndetshme gjatë dimrit? Konsumoni pesë ushqimet që fytyra t’ju shkëlqejë

Një mjeke ka rekomanduar se pesë ushqime në dietën tuaj mund të jenë sekreti i një lëkure rinore me një shkëlqim për t’u marrë lakmi, edhe gjatë muajve të ashpër të dimrit.

Derisa ballafaqohemi me efektet e tharjes, është më e rëndësishme se kurrë të ushqejmë lëkurën tonë nga brenda.

Mjekja estetike Keyana Emamian ka theksuar rëndësinë e një diete të pasur me lëndë ushqyese për të luftuar të ftohtin e dimrit në lëkurën tonë.

“Një dietë e pasur me lëndë ushqyese mund të bëjë ndryshimin gjatë dimrit. Ka disa ushqime të fuqishme që mund të mbrojnë lëkurën tuaj nga thatësia, të rrisin hidratimin dhe të nxisin një shkëlqim rrezatues, edhe në muajt më të ftohtë”.

Në krye të listës të ushqimeve që ajo rekomandon është avokado. Ajo thotë se avokadot janë të pasura me yndyrna të pangopura që ndihmojnë në hidratimin dhe ruajtjen e elasticitetit të lëkurës.

“Avokadot janë gjithashtu një burim fantastik i vitaminës E”.

Manaferrat vijnë të dytat në listën e rekomandimeve të saj, falë përmbajtjes së lartë të antioksidantëve. Boronicat, luleshtrydhet dhe mjedrat nuk janë vetëm të shijshme, por edhe shumë të mira për lëkurë.

“Manaferrat janë të mbushura me vitaminë C, e cila është thelbësore për prodhimin e kolagjenit”, shpjegoi Emamian.

“Kolagjeni është proteina përgjegjëse që e mban lëkurën tuaj të fortë dhe rinore, dhe konsumimi i rregullt i manaferrave mund të zvogëlojë shfaqjen e linjave të imëta dhe zbehjen”.

Emamian gjithashtu thekson se ato kanë veti anti-inflamatore, perfekte për qetësimin e problemeve me lëkurë gjatë dimrit.

Në rrjetet sociale, ata janë cilësuar si një mrekulli e kujdesit të lëkurës.

Gjatë këtyre muajve të ftohtë, për të luftuar lëkurën e thatë dhe të plasaritur, Emamian rekomandon peshkun yndyror për përmbajtjen e tij omega-3.

“Omega-3 forcon barrierën e lëkurës, duke mbyllur lagështinë dhe duke reduktuar inflamacionin. Ato janë veçanërisht të dobishme për të luftuar thatësinë e dimrit dhe lëkurën e krisur”, pohon ekspertja mjekësore.

Ajo sugjeron të hani peshk të yndyrshëm si salmoni ose skumbri dy herë në javë për të arritur rezultatet më të mira.

Emamian gjithashtu inkurajon konsumimin e perimeve të gjelbra sikurse lakrën jeshile dhe spinaqin për shëndetin e lëkurës./Telegrafi