Dieta e supës së lakrës, humbet 6 kile në 7 ditë

Dietat që të heqësh dorë nga ushqimet nuk janë të rekomanduara. Këshilla e dietologëve është ajo e supës me lakër. Ekspertët thonë se të ndihmon të humbasësh 6 kile në 7 ditë. Dietologia australiane Julie Gilbert thotë se supa mund të hahet e vetme për tre ditë dhe më pas mund të shtohen ushqime të tjera.

“Nëse i shtojmë pak erëza dhe varietete të tjera ndoshta do të vazhdoni dhe për disa ditë të tjera”, tha ajo. Pas tre ditësh mund të konsumoni pulë dhe oriz kaf në vakt, teksa të hani fruta dhe perime gjatë gjithë ditës.

Teksa përbërësit kryesor janë lakra, kërpudhat, qepët, selinoja dhe domatet e vogla, në variante të tjera përfshihet edhe spec djegës për një shije ekstra.

Kjo supë ka pak kalori, por e pasur me fibra, duke na lënë ndjesinë e ngopjes për më gjatë.  Një tenxhere e madhe me supe duhet të zgjasë shtatë ditë, por teksa i njëjti ushqim për një javë ngjan pak monoton, mundësia për të humbur 6 kile na motivon mjaftueshëm.