Duhanpirës, gjetëm ç’ju ndihmon për të hequr dorë

Studimi më i fundit ka zbuluar se duhanpirësit që përdorin cigare elektronike, kanë shanse më të larta prë të lënë cigaren sesa të tjerët. 65% e përdoruesve të cigareve elektronike përpiqen të heqin dorë nga vesi, në krahasim me 40% që nuk përdorin cigare elektronike.

Me pak fjalë, 8% e atyre që përdorin cigare elektronike heqin dorë nga duhani në mënyrë të suksesshme. 5% e atyre që nuk përdorin cigare elektronike heqin dorë. Pra, cigaret elektronike rrisin shanset për të jetuar një jetë pa duhan.

“Është mëse e qartë që cigaret elektronike ndihmojnë duhanpirësit të heqin dorë. Përveç këtij avantazhi, cigaret elektronike u japin njerëzve atë që duan, pa u dëmtuar shëndetin. Nëse të gjithë duhanpirësit do të fillonin të përdornin alternativën elektonike, do të shihnim përmirësime të konsiderueshme në shëndet, cilësinë e jetës dhe mjedis”,tha drejtuesi i studimit, Peter Hajek.