Gjika-mësuesve: Si të ulni shkallën e ankthit e të frikës tek nxënësit

Pak ditë para se të nisë viti shkollor, pediatria e njohur, Lira Gjika iu ka bërë apel të gjithë mësuesve që të mos i trembin dhe të mos i paragjykojnë nxënësit e tyre. Përmes një postimi në facebook, Gjika u lutet mësuesve që kur janë me nxënësit në klasë, të përpiqen t’ju vënë atyre në dukje gjërat që mbajnë mend, mësimet nga e shkuara. Sipas saj tek nxënësit duhet të ulin shkallën e frikës dhe ankthit. ”Ankthi (frika iracionale) dhe frika janë të lidhura me mosbesimin e mosvlerësimin e vetes, të cilat janë të lidhura direct me harresën, pasi krijohen në të njëjtën zone trunore. Mësues, nxitini fëmijët, nxiteni mëndjen e tyre të jetë një process aktiv, ku nëpërmjet energjisë, që i jep procesi i rritjes dhe sëbashku me informacionin, që do të marrë nga ju të fuqizojnë mendjen e tyre, që të fuqizojë mendimin drejtë shkencës, sporteve dhe arteve”.

Postimi i plotë

Edhe pak ditë dhe fillon shkolla. Do të doja që mësuesit të dëgjonin lutjen time por edhe unë ashtu si Migjeni i madh nuk kam fuqi prej Perëndie, që ti bëj mësuesit tanë, të mos i trembin e paragjykojnë nxënësit e tyre. E megjithatë unë, po ja u drejtoj lutjen, mbase dikush do të më lexojë. Mësues, kur të jeni në klasë me fëmijët përpiquni tu vini në dukje gjërat, që mbajnë mënd nga mësimet e shkuara apo gjërat e reja, që kanë mësuar gjatë pushimeve. Kështu do të ulin shkallën e ankthit e të frikës dhe fëmijët, do të demostrojnë gjithnjë e më lirshëm dijet e tyre.

Ankthi (frika iracionale) dhe frika janë të lidhura me mosbesimin e mosvlerësimin e vetes, të cilat janë të lidhura direct me harresën, pasi krijohen në të njëjtën zone trunore. Mësues, nxitini fëmijët, nxiteni mëndjen e tyre të jetë një process aktiv, ku nëpërmjet energjisë, që i jep procesi i rritjes dhe sëbashku me informacionin, që do të marrë nga ju të fuqizojnë mendjen e tyre, që të fuqizojë mendimin drejtë shkencës, sporteve dhe arteve.

Mësues, frika nga shkolla nuk është një frikë dosido. Frika nga shkolla ka të bëjë me aftësinë, për të pasur e thënë fjalën e vet secili dhe për të pasur kurajon e aftësinë për t’u përballur me të panjohurën. Përpiquni mësues të bëni më të mirën edhe pse është vërtet shumë e vështirë.