Gripi, 150 urgjenca në ditë

Intensiteti i qarkullimit të gripit në vend vijon të jetë i lartë. Në shërbimin infektiv në Qendrën Spitalore Universitare ka çdo ditë me qindra raste që kërkojne trajtim mjekësor. “Kemi nga 130 deri në 150 urgjenca”, thotë mjekja infeksioniste Migrena Qato.

Po ashtu edhe shtrimet janë të përditshme në këtë shërbim. “Kemi 20 të shtruar aktualisht në gjendje jo të rëndë”.

Mjekët infeksionistë ngrenë si shqetësim edhe përhapjen e sëmundjes brenda spitalit në shërbime të ndryshme, ku pacientë të shtruar për probleme të tjera janë prekur edhe nga gripi gjatë hospitalizimit.