Hipnozë në vend të anestezisë në sallën e operacionit

Në një klinikë në Padova mjekët kanë hipnotizuar një grua rreth të 40- ave, për ta operuar për shkak se ajo kishte alergji kimikatet dhe nuk mund t’i aplikonin anestezi.

Pacientes së cilës do i bëhej ndërhyrje për heqjen e kancerit të lëkurës, iu deshën 20 minuta kohë për të arritur në gjendje të pavetëdijshme dhe të operohej pa përjetuar asnjë dhimbje.

Hipnoza është një gjendje e përdorur gjerësisht në psikologjinë klinike për të hyrë në dimensionin e pandërgjegjshëm dhe emocional të një subjekti, për të trajtuar në këtë mënyrë ankthin, panikun, varësinë ndaj alkoolit, duhanit apo drogës.

Pas suksesit të ndërhyrjes tek 42- vjeçarja, Profesori i Anestezisë dhe Përtëritjes në Departamentin e Neuroshkencës në Padova, ka publikuar një artikull në revistën “Anaesthesia”, në lidhje më këtë rast.

Për shkak të suksesit të aplikimit të “Hipnozës” në këtë klinikë, profesori i Anestezisë sugjeron se ky proces duhet të fillojë të aplikohet në mjekësi, për shkak se pacienti nuk përjeton dhimbje dhe se parametrat e zemrës dhe tensioni i gjakut mbeten të qëndrueshme gjatë gjithë operacionit.