Kafshët shtëpiake reduktojnë rrezikun e sëmundjeve mendore

Njerëzit që rriten në qytet pa kafshë shtëpiake kanë një rrezik më të lartë për sëmundje mendore dhe stres kronik. Kështu thotë një studim i ri.

Një gjendje e tillë lidhet me bakteret, fëmijët e rritur në fshat me kafshë janë të ekspozuar ndaj pluhurit më të ngarkuar me baktere që përforcojnë sistemet e tyre imune dhe i bëjnë ato të qëndrueshme ndaj stresit.

Studiuesit në Universitetin e Kolorados Boulder thonë se gjetjet e tyre e përforcojnë faktin se fëmijët duhet të shpenzojnë më shumë kohë duke luajtur në natyrë.

Autorët thonë se nevojiten më shumë kërkime, por janë të sigurt se banorët e qytetit do të përfitonin mentalisht nga të ngrënit më shumë probiotikë, duke shpenzuar më shumë kohë jashtë, duke marrë kafshë shtëpiake.