Kancerin mund ta luftosh në tavolinën e ushqimit

Vaji i ullirit është një nga produktet bazë të dietës mesdhetare. Por përveç efekteve të njohura të vajit të ullirit, shkencëtarët kanë zbuluar së fundmi se ka edhe aftësinë për të parandaluar dhe luftuar tumoret.

Sipas studiuesve të Universitetit të Barit, varietetet e vajit të ullirit janë të pasura me polifenole, të cilat kanë një efekt pozitiv në shëndetin e njeriut, për shkak të vetive antiimflamatore dhe antitumorale.

Studiuesit thonë se ky përfundim hap rrugën për shumë studime të tjera të mëtejshme, pasi çdo varietet mund të konsiderohet një lloj i veçantë ushqimi. Sipas tyre, në të ardhmen, restorantet mund të kenë menunë e vajrave, siç kanë sot atë të verës, në mënyrë që çdo klient të zgjedhë llojin e vajit të ullirit në bazë të efekteve të pritshme pozitive në organizëm.