Konkursi, 204 stomatologë në provim shteti, rezultatet brenda ditës

Konkurset janë kthyer në modë gjatë vitit të fundit, nën qeverisjen e majtë, pavarësisht akuzave të Opozitës së ato nuk janë edhe aq reale. Agjencia Kombëtare e Provimeve ka publikuar emrat e 204 mjekëve stomatologë, që do të hyjnë në provimin e shtetit. Sipas AKP-së, kandidatët duhet të bëjnë verifikimet e emrave në rast se ka ndonjë parregullsi në shkrimin e tyre. Stomatologët do të zhvillojnë provimin brenda një dite, pra në datën 12 dhjetor, duke u ndarë në katër grupe. Ndërkaq, përgjigjet e testeve do të meren po në të njejtën ditë, pasi provimet janë të informatizuara dhe meren pergjigjet e menjëhershme sapo përfundon testi. Sipas rregullores së Agjencisë Kombëtare të Provimeve, kandidatët duhet të paraqiten 40 minuta para fillimit të provimit.