Konsumoni patate, ulin rrezikun e kancerit

Patatja është një ndër perimet që hyn në familjen e perimeve të bardha dhe konsumimi me shumicë i tyre e ul rrezikun e prekjes nga kanceri në stomak.

Ky është përfundimi që kanë nxjerrë një grup shkencëtarësh nga Universiteti Zhejiang në Kinë, të cilët zbuluan se konsumimi i lulelakrës, patateve dhe qepëve ul shanset për t’u prekur nga kanceri në stomak.

E kundërta ndodh me konsumin e tepërt të birrës, pijeve të forta alkoolike dhe ushqimeve të konservuara, që sipas ekspertëve rrisin rrezikun për t’u prekur nga kanceri.

Mbrojtëse të mira kundër kancerit janë gjithashtu lakra dhe selinoja.

Besohet se të gjitha perimet përmbajnë vitamin C, që gjendet me shumicë tek patatet dhe që vepron si antioksidues kundër problemeve me stomakun.