Kur akullorja rrit 1.600 për qind çmimin e… vaniljes

Çmimi për shijen natyrale të vaniljes është rritur në mbarë botën gjatë viteve të fundit për shkak të përdorimit të gjerë te akullores. “Dhe nuk ka shpresa që çmimi i saj të ulet”, tha Bernd Hachmann, pronar i kompanisë së prodhimit të vaniljes “Aust & Hachmann”. Në disa vende këto çmime janë rritur 16-fish, në afërsisht 30 euro (33 dollarë) për kilogram.

“Aust & Hachmann”, e themeluar në 1881 në Hamburg, Gjermani, përpunon në të gjitha variantet produktin e vaniljes dhe shet afërsisht 300 tonë në vit. “Prodhimi i vaniljes po kalon një krizë të madhe”, tha Hachmann, kompania e të cilit është një nga furnizuesit më të rëndësishëm në botë të këtij përbërësi.

Aromatizuesit e vaniljes rrjedhin nga kapsulat e frutave të fermentuara të disa specieve të veçanta të orkideve dhe për shkak se plantacionet e reja të vaniljes zgjasin tre deri në katër vjet për t’u krijuar, nuk mund të gjejmë një zgjidhje më të shpejtë për prodhimin e saj.

Sipas “Librit gjerman të ushqimit”, shija natyrale e vaniljes është e nevojshme të përdoret në kremin e akullores me vanilje, ndërsa mund të shmanget tek akulloret me aromë vaniljeje