Limoni, “ilaçi” për t’u bërë edhe më i/e bukur

Limonin mund ta përdorni për ushqim, por të mirat e tij janë të panumërta edhe për bukurinë e lëkurës dhe flokëve. Pastrim të fytyrës: Përzieni lëngun e limonit me atë të kokosit për pastrimin e fytyrës. Kokosi do të hidratojë lëkurën tuaj, ndërsa limoni do ta pastrojë dhe zbardhojë atë.

Pastrues i gjunjëve dhe bërrylave: Nëse gjunjët dhe bërrylat tuaj po marrin ngjyrë kafe, pastroni atë me disa pjesë limoni dhe do të shihni rezultatin.

Pikat e zeza në fytyrë: Lyeni fytyrën me lëngun e limoni, lëreni të qëndrojë për disa minuta (15-20) dhe pikat e zeza do të zhduken para se ju ta kuptoni.

Eliminon yndyrën e tepërt në fytyrë: Vendosni lëngun e limonit në fytyrë para se të vendosni grimin. Kjo do t’ju mundësojë largimin e yndyrës së lëkurës dhe kështu fytyra juaj nuk do të shkëlqejë.

Limoni largon plasaritjen e buzëve, forcon thonjtë dhe zbardhon flokët po ashtu.

Për zbardhimin e flokëve ju duhet të shtrydhni disa limona dhe ta vendosni lëngun në kokë, më pas të ekspozoheni në diell për 30 minuta. Kështu do të fitoni ngjyrë më të çeltë të flokëve.