Luhatjet e temperaturave, mjekët apel të sëmurëve kronikë

Luhatjet e temperaturave ndikojnë në shëndetin e njeriut. Pavarësisht uljeve të temperaturave, mjekët vijojnë me apelin e tyre për të treguar kujdes nga ndikimi i tyre në organizëm, kryesisht fëmijët, të moshuarit dhe të sëmurët kronikë. Të sëmurët kronikë duhet të drejtohen tek mjeku i familjes për çdo ankesë, sado e vogël qoftë, për të përshtatur terapinë apo ndjekjen (kontrollet e nivelit të glicemisë tek diabetikët), pasi disa sëmundje ndikohen nga i nxehti, si hipertensioni, etj.

“Mos e ndryshoni vetë terapinë, mos harroni se disa medikamente nuk duhet të rrinë nën rrezet e diellit dhe në të nxehtë, ndaj lexoni etiketën ose këshillohuni me mjekun”, këshillojnë mjekët, për të sëmurët kronikë.