MERS, sëmundja që i ka futur frikën botës

Shpërthimi i një sëmundje në Korenë e Jugut ka shkaktuar frikë në mbarë botën.

Sëmundja që njihet me emrin MERS, ose ndryshe Sindroma Respiratore e Lindjes së Mesme, ka shkaktuar 14 viktima deri më tani.

Organizata Botërore e Shëndetësisë thotë se shpërthimi i kësaj sëmundje është shumë më kompleks nga sa ishte menduar dhe priten më shumë raste.

Ekspertët i kanë bërë thirrje qeverisë të jetë vigjilente.

Por çfarë është kjo sëmundje?

MERS shkaktohet nga një tip i ri koronavirusi.

Rastet e para janë shfaqur në Lindjen e Mesme në vitin 2012.

Vdekja e parë u regjistrua në Arabinë Saudite atë vit.

Nuk dihet me saktësi si transmetohet, por është e mundur që infeksioni merret nga kolla ose teshtimat e personit të infektuar.

Të sëmurët kanë ethe, kollë dhe vështirësi në frymëmarrje.

Rreth 36 përqind e të pacientëve me MERS kanë vdekur.

Nuk ka vaksinë apo ndonjë trajtim specifik.