Muaji i ndërgjegjësimit për sëmundjet malinje të gjakut

Ekspertët e Institutit të Shëndetit Publik zhvilluan një diskutim në mjediset e fakultetit të Mjekësisë për kancerin e gjakut, në kuadër edhe të shtatorit që njihet si muaji kundër kancerit të gjakut. Gjatë takimit të zhvilluar, ekspertë theksuan rëndësinë e rritjes së ndërgjegjësimit të popullatës mbi sëmundjet malinje të gjakut.

“Le të luftojmë së bashku për të rritur ndërgjegjësimin e popullatës mbi këto kancere me qëllim që të rrisim jetëgjatësinë dhe cilësinë e jetës së pacienteve me kancerët e gjakut në sajë të trajtimeve me të mira e më aktuale. Të gjithë bashku ne mund ta mundim kancerin”, -bëjnë apel ekspertët e ISHP-së.

Shtatori është muaji i ndërgjegjësimit mbi kancerin e gjakut. Gjatë këtij muaji, synohet rritja e ndërgjegjësimit si dhe ofrimi i mbështetjes për ata që vuajnë nga kjo sëmundje.