Një virus i rrezikshëm po prek foshnjat 0-6 muajshe

Në shërbimin e pediatrisë infektive nuk ka më asnjë shtrat bosh. Ajo që shqetëson shefen e shërbimit të Pediatrisë Gjeorgjina Kuli, është se një virus po prek në masë foshnjat 0-6 muajsh.

”Momentalisht janë të gjitha viruset që prekin rrugët e frymëmarrjes siç janë rinoviruset, parainflueca, kemi patur dhe raste të virusit të influencës ose të gripit, gjë që në vite të tjera ose kur ka qenë shumë e ulët në pandemi ose ka filluar goxha në kohë.

Ky ndryshimi i sëmundshmërisë me virozat e tjera ka modifikuar dhe epidemiologjinë e sëmundjeve repiratore dhe do të veçoja një virus shumë të rëndësishëm që është virus respirartor Sincitial.

Një virus që prek rrugët e frymëmarrjes sidomos të fëmijëve të vegjël 0-6 muaj, pra ai prek gjithë grumpmoshat por është i rrezikshëm për këtë grupmoshë sepse mund të japi vështirësi të shumta në frymëmarrje dhe mosfurnizim të bollshëm të organizmit me oksigjen”.