Panna Cotta kajsie me pjeshkë

Një recetë shumë e thjeshtë dhe vërtet e shijshme. Kjo ëmbëlsirë mund të përgatitet fare lehtësisht dhe është shumë e lehtë.

Shijet e frutave e bëjnë të lehtë dhe të përshtatshme edhe për ditët e nxehta, shkruan shije.al.

Përbërësit:

2 filxhanë krem pana (për ëmbëlsirë)
1 filxhan çaji qumësht
1/4 filxhan çaji sheqer
1 filxhan çaji nektar kajsie
3 fletë xhelatinë
2 filxhan çaji pjeshkë (të qëruara dhe të prera në formë kubike, ose pjeshkë dhe kajsi të përziera)
1 lugë çaji lëng limoni
2 lugë gjelle sheqer

Përgatitja:

Nxehim kremin, qumështin, sheqerin derisa të lëshojnë avull. Shtojmë nektarin e kajsisë dhe e trazojmë për ta përzier.

E shijojmë dhe i shtojmë pak më tepër sheqer nëse nuk është e ëmbël aq sa e dëshironi.

Zhysim gjethet e xhelatinës në ujë të ftohtë për 5 minuta, e shtrydhim nga uji dhe e shtojmë në tenxhere.

E trazojmë derisa xhelatina të shpërbëhet.

Derdhim panna cotta-n në 6 forma ose në 6 gota të vogla qelqi dhe i vendosim në frigorifer ku i lemë të paktën për 6 orë ose gjatë gjithë natës.

Përpara se t’i shërbejmë përziejmë sëbashku pjeshkët, kajsitë, lëngun e limonit dhe sheqerin.

Per t’i shërbyer i hedhim në pjata dhe i zbukurojmë me disa lugë frutash.
 Nëse përdorim gota të vogla thjesht hedhim pak fruta me lugë në çdo gotë dhe i shërbejmë