Përse, po e përdorin qumështin e gomarit?

Jemi mësuar ta përdorim vetëm për punë, ndërsa emri i kësaj kafshe përdoret shpesh edhe për tallje.

Por orniotologu malazez, Darko Saveljiç ka bërë një fermë dhe kujdeset në mënyrë të veçantë për këto kafshë, pasi ai u merr atyre qumështin.

Ferma është e ndërtuar në fshatin Martinići pranë Danilovgradit.

Saveljiç shpreh shqetësimin se lloji i gomarit tani përballet me zhdukjen.

“Qumështi i gomarit është shumë popullor dhe i shtrenjtë, sepse ai ka një funksion të fuqishëm terapeutik në mjekësi”, thotë ai.

Qumështi i gomarit është vlerësuar shumë nga grekët e lashtë dhe romakët dhe sipas traditës, mbretëresha egjiptiane Kleopatra ishte larë me qumësht gomari për të ruajtur bukurinë dhe rininë.