Rekomandimet e mjekëve, Metoalb: Temperaturat në korrik, mbi 40 gradë

Bashkë me qershorin mbyllen edhe ditët e freskëta të verës.  Me fillimin e muajit korrik, sipas shërbimit Meteoalb, termometri parashikohet të shënojë deri në 40 gradë celcius.

I nxehti afrikan pritet të përfshijë edhe Shqipërinë në javën e parë të këtij muaji. 

Temperaturat  e larta do të ndjehen edhe më tepër pas ditëve me reshje, që sipas Meteoalb parashikohet të mbyllin këtë muaj.

Shërbimi Meteoalb vlerat më të larta të termometrit i parashikon në qytetet: Tiranë, Elbasan, Gjirokastër dhe Shkodër. 

Temperaturat që priten në 10 ditëshin e parë të korrikut do të jenë më të larta se normalja.

Në këto kushte këshillat e mjekeve vijnë për shmangie të qëndrimit në diell nga ora 11.00 deri në ora 17.000. Kujdes duhet të bëjnë fëmijët dhe të moshuarit. Gjithashtu, nisur nga i nxehti që pritet të përfshijë të gjitha territorin shqiptar gjatë korrikut, rekomandohet konsumi i sa më shumë lëngjeve.