Rindërtohen 6 qendra shëndetësore në Qarkun Kukës

Në kuadër të programit kombëtar për rindërtimin e 300 qendrave shëndetësore në gjithë vendin, në Qarkun e Kukësit janë rindërtuar 6 qendra shëndetësore. Kryeministri Edi Rama solli sot në vëmendje kantieret e programit kombëtar të rindërtimit të qendrave shëndetësore në Qarkun Kukës.

“Mirëmëngjes dhe me kantieret e programit kombëtar të rindërtimit të 300 qendrave shëndetësore për Qarkun Kukës, ju uroj një ditë të mbarë”, tha Rama. Konkretisht në qarkun Kukës janë rindërtuar qendrat shëndetësore në Bardhoc, Shtiqen, Fshat, Krumë, Cahan, Babinë.

Në gjithë vendin, brenda vitit 2019 do të rindërtohen 100 qendra shëndetësore, ndërkohë që deri në fund të këtij mandati qevearisës planifikohen të rindërtohen 300 qendra shëndetësore në gjithë vendin.