Si t’i mënjanoni thembrat e plasaritura?

Thembrat e plasaritura janë një problem i zakonshëm i njerëzve nga të gjitha moshat dhe shkaktohen kryesisht nga mungesa e lagështisë. Shkaqe të tjera që çojnë në thembra të plasaritura janë qëndrimi në këmbë për orë të gjata, moti i ftohtë, ekspozimi i vazhdueshëm ndaj ujit, mbipesha dhe veshja e këpucëve të ngushta dhe me material të keq. Kushtet si ekzema, psoriasis, sëmundjet tiroide dhe diabeti kontribuojnë në këtë problem gjithashtu. Thembrat e çara janë të dhimbshme, mund të shkaktojnë infeksion dhe nuk janë aspak estetike, por ky problem mund të mënjanohet me disa mjete të thjeshta në shtëpi.

Ujë i ngrohtë: 

Futni këmbët në ujë të ngrohtë për 10 minuta në mënyrë që të përmirësohet qarkullimi i gjakut. Bëjeni këtë gjë çdo ditë.

Uthull molle (musht):

Përdoret për thembrat e plasaritura si acid acetik dhe ndihmon në zbutjen e lëkurës dhe lehtësimin e dhimbjeve. Hollojeni pak uthull molle me ujë të vakët dhe bëni dush për 10­15 minuta. Kjo mënyrë ka efekte të menjëhershme dhe mund të përdoret disa herë në ditë që të keni rezultate të dukshme.

Lëng limoni:

Për shkak të aciditetit që përmban ndihmon në largimin e qelizave të vdekura dhe lëkurës së thatë nga këmba. Lëngu i limonit e bën lëkurën më të butë dhe më elastike.

Përdorni furça:

Me anë të furçave me fije të forta masazhoni thembrat e këmbëve dhe hiqni lëkurën e thatë. Pas kësaj procedure lyeni thembrat me një krem hidratues me përmbajtje bimore.

Xhenxhefil:

Zjeni për 15 minura xhenxhefil me ujë. Lëreni të ftohet uji aq sa ta duroni dhe mbajini këmbët në këtë lëng për 20 minuta. Përsëriteni këtë gjë 2 herë në ditë.