Ushqimet që “mundin” celulitin

Celuliti është një nga problemet më shqetësuese për femrat dhe kequshqyerja është një ndër faktorët kryesorë që ndikon në shfaqjen e tij. Sipas studimeve të bëra, thuhet se ajo çfarë hamë ndikon në lëkurën tonë dhe ajo çfarë duhet të hamë për ta reduktuar këtë problem, janë frutat, perimet dhe proteinat.

Ja disa ushqime që ndihmojnë në reduktimin e celulitit.

Shalqiri:
Është i pasur me ujë dhe fruktozë. Konsumimi i shalqirit ju hidraton dhe ju jep ndjesinë e ngopjes për një kohë të gjatë.

Domatja:
Ka elemente shumë të nevojshme për organizmin e njeriut, si vitamina C dhe A, ajo ka aciditet gjithashtu, gjë e cila ndihmon në reduktimin e celulitit.

Çaji i bardhë: 
Sipas kërkimeve të fundit të bëra nga Universiteti i Kingstonit, thuhet se çaji i bardhë rrit energjinë trupore, ul nivelet e sheqerit në gjak dhe redukton celulitin.

Vezët e ziera shumë: 
Janë të pasura me proteina dhe ndihmojnë në ndërtimin e masës muskulare. Vezët luajnë një rol shumë të rëndësishëm në organizëm, sidomos kur bëni aktivitet fizik.

Boronicat: 
Konsumimi i tyre ndihmon në kontrollin e peshës trupore dhe, për pasojë, edhe të celulitit.

Ananasi: 
Ndikon në eliminimin e yndyrnave të tepërta në trup, në humbje peshe dhe reduktim celuliti.

Xhenxhefili:
Është një erëz që ndihmon në reduktimin e fryrjes së barkut dhe eliminon toksinat nga trupi. Trajtimet anticelulit me përmbajtje xhenxhefili janë mjaft efektive.

Selinoja: 
Ndihmon në eliminimin e yndyrnave dhe ndalon akumulimin e sheqernave në gjak