Një postim i fundit i Bes Kallakut ka tërhequr vëmendjen e ndjekësve, të cilët kanë nisur të aludojnë për një zhvillim të rëndësishëm në jetën e tij sentimentale.
Aktori ka publikuar një fotografi ku shfaqet në një moment lutjeje, por ajo që ka rënë më shumë në sy është një unazë në gishtin e tij. Krahas fotos, Besi ka zgjedhur këngën “Happiest Year” të Jaymes Young dhe ka shkruar vetëm: “Faleminderit Zot”.
Ky kombinim ka mjaftuar që rrjetet sociale të mbushen me komente dhe pyetje rreth kuptimit të unazës. Ndjekësit po përpiqen të zbulojnë nëse ajo lidhet me një ngjarje të veçantë në jetën private të aktorit.
Prej një periudhe, Bes Kallaku është në një lidhje me Ejonën, për të cilën ka folur edhe më herët publikisht. Ai ka deklaruar se partnerja e tij ka pasur një ndikim të rëndësishëm në jetën e tij, duke e ndihmuar të rikthejë buzëqeshjen dhe gëzimin pas një periudhe të vështirë.
Megjithatë, deri tani Besi nuk ka dhënë asnjë konfirmim lidhur me aludimet për unazën, duke lënë gjithçka të hapur për interpretim.