Alba dhe Bia kanë vendosur të ulen dhe të sqarojnë situatën mes tyre. Përplasja e javës së kaluar, e cila kishte tërhequr vëmendje të madhe brenda shtëpisë, duket se ka marrë një kthesë më të qetë, me të dyja vajzat që kanë reflektuar mbi atë që ndodhi.
Gjatë bisedës, Bia u shpreh e penduar për debatin dhe pranoi se përplasja kishte ardhur për një histori që tashmë i përket së kaluarës. Ajo theksoi se në këtë histori Alba po tregon të vërtetën dhe se Limi po gënjen. Për të nuk kishte qenë e nevojshme që tensionet të arrinin në atë pikë, duke kërkuar mirëkuptim nga Alba.
”Më vjen shumë keq që jemi zënë për ish-in, kohë më parë ka qenë”, u shpreh ajo, duke lënë të kuptohet se dëshiron të lërë pas këtë kapitull. Ky sqarim mes Albës dhe Bias duket se ka ulur tensionet dhe ka hapur rrugën për një bashkëjetesë më të qetë në shtëpi, ndërsa mbetet për t’u parë nëse kjo marrëveshje do të zgjasë apo do të ndikojë në raportet e tyre me banorët e tjerë në vazhdim të lojës.
