Alban Skënderaj sjell këngë të re për Shën Valentinin

Nëse ende nuk keni vendosur se çfarë dhurate t’i bëni njeriut të zemrës me rastin e Shën Valentinit, atëherë dëgjoni këngën më të re të Alban Skënderajt dhe vargjet e saj dedikojani të dashurit tuaj.

“Sonte do ngremë dolli për dashurinë. Për vitet që ikën dhe ata që do t’vijnë. Por një herë në vit për dashurinë. Nuk do mjaftonte shpirti im. Se jeta me ty është çdo ditë një Shën Valentin”, janë këto vargjet e bukura të dashurisë që çdo person do donte t’i dëgjonte nga partneri apo partnerja.

“Çdo ditë një Shën Valentin”, titullohet projekti më i ri i këngëtarit të dashur për publikun, i cili ka tekst dhe muzikë të Albanit, e që me padyshim do të kthehet menjëherë në një hit jo vetëm për të dashuruarit, por edhe për ata që pëlqejnë muzikën e bukur.

Edhe pse ka vetëm pak orë që është publikuar në kanalin e “Youtube”, kënga ka marrë me mijëra klikime dhe komentet janë të shumta. Përveçse është pëlqyer pafund teksti, një vëmendje të madhe ka marrë edhe videoklipi.

“Mjafton një derë e vetme për t’u gjendur ballë një të papriture, ose më shumë se një. Për t’u takuar me ata që të duan vërtetë. Për të ndryshuar një jetë të tërë. Nuk ka rëndësi se kur, e rëndësishme është të hapësh derën e duhur”– janë fjalët motivuese të Albanit.