Vendimi për të lënë garën, befasoi jo pak veta, pasi ishte shpallur edhe si e preferuar. Fjala është për Amber Candy, e cila të martën doli vullnetarisht nga shtëpia e ”Big Brother Albania Vip 4”. E përlotur këtë të enjte ishte në ”Shqipëria Live” tha se bëri gabim që doli pasi kishte shumë për të dhënë në atë shtëpi, ndërsa shtoi se njerëzit që kanë kaluar një jetë të vështirë, kanë shumë për të treguar.
”Në momentin që thash se kisha shumë për të dhënë në atë shtëpi nëse do kthehesha pas do të bëhesha pak më racionale për sa i përket mendimeve që kisha, duhej t’i peshoja pak më shumë. Do i kërkoj falje publikut për daljen time. Kisha shumë për të dhënë në atë shtëpi dhe absolutisht ia lëmë gabimit im, e quajmë gabim sepse njeriu kur ka se çfarë jep në atë shtëpi, dhe unë kisha për të dhënë shumë”, tha ajo.
Nga ana tjetër, e pyetur nëse është e dashuruar, ajo tha se po, por lidhja e saj është ende në hapat e parë dhe nuk dëshiron që të nxitohet në deklarata. ”Është një gjë e freskët, por nuk jam vetëm”, tha ajo. Një mesazh e kishte edhe për banorët e tjerë me të cilët ndau shtëpinë për gjatë këtyre ditëve. ”Big Brother është një gjë shumë e madhe dhe duhet të kesh atë forcën Brenda vetes dhe të dalësh dhe të jesh ajo që duhet të jesh”, tha Amber.
