Analiza nga CNN: Shqipëria me Zjerm fiton ”Eurovision 2025”, ambivalenca e Shkodrës Elektronike është një aset

Aktualitet Showbiz E Premte, 16 Maj 2025 18:02

”Shndrit, shndrit, shndrit”. Europa është magjespur nga krijimi unik i këngës ”Zjerm”. Nesër mbrëma në Basel të Zvicrës do të mbahet nata finale e ”Eurovision 2025”, dhe mbarë shqiptarë do të jenë me sy nga festivali. Kjo jo vetëm sepse në finale është edhe Shqipëria, por nga fakti që Shkodra Elektronike është pretedente kryesore për të qenë ata fituesit e këtij edicioni të 69-të. Jehona është e madhe, nga mediat në Itali që e kanë zbërthyer në detaje të gjithë fabulën e këngës, deri tek sondazhet që e rendisin Shqipërinë në Top 3 dhe bashkimi i mbarë shqiptarëve kudo që e duan këngën tonë. Por në një editorial media e madhe CNN, shkon edhe më tej, pasi Shqipërinë e ka rankuar në vend të parë për fitore.

Pjesë nga shkrimi në CNN

Ata këndojnë për një oaz-”Nuk ka ambulancë në rrugë, askush nuk të flet me arrogancë”, qartësisht të pavetëdijshëm për festat britanike të beqarisë që e shkatërrojnë Tiranën, kryeqytetin e Shqipërisë.

Ata duhet të jenë fansa të mëdhenj të Eurovisionit, apo jo? “Jo, aspak”, thotë Beatriçe Gjergji për CNN. ”(Nuk) është lloji ynë i muzikës”.

Sinqerisht, ambivalenca e tyre është një aset: nuk ka asgjë tjetër si kjo performancë në ofertë, dhe si rezultat ata po marrin vëmendje të merituar nga fansat. ”Nëse besoni në llojin e muzikës që doni, ndoshta diçka mund të ndodhë”, thotë Gjergji. ”Emocionet janë të mëdha, skena është e madhe, presioni është i madh”. /R.Shtylla-Koha Jonë/

Pjesë nga shkrimi i medias italiane ”Piccole Storie”

Është një lutje elektronike, një valle e shenjtë, një dialog midis shpresës dhe realiteti. Ajo minutë e imagjinuar nga Beatriçe është gjithçka që i mungon botës: është ëndrra e atyre që e dinë se nuk jetojnë në një vend të duhur, por prapë zgjedhin të kërcejnë, të këndojnë, të besojnë. Kolë është ana tjetër e shpresës. Është dëshpërimi. Ai flet për një botë që nuk i ka mbetur poezi, që ka harruar hënën, që është i etur për pushtet dhe i verbër ndaj bukurisë. Kënga e saj nuk është zemërim: është pikëllim i pastër. Është kujtesa për të mos harruar realitetin.