Kanë ngelur edhe pak ditë kanë që Anxhela Peristeri të ngjitet në skenën e madhe të ”Eurovision Song Contest”, ku do të përfaqësojë Shqipërinë me këngën “Karma”. Këngëtarja ka udhëtuar drejt Roterdamit për të bërë provat e para.
Kanali zyrtar i Eurovizion-it në YouTube ka publikuar një pjesë të performancës së Anxhelës gjatë provave, që i ka mahnitur të gjithë. Përveç talentit në të kënduar, artistja tërhoqi vëmendjen e të gjithëve edhe me look-un që ka zgjedhur.
Ajo shihet e veshur me një body me gurë dhe duket në super formë fizike. Shumë fansa e kanë krahasuar Peristerin me këngëtaren me famë botërore, Beyonce-n. Nga ana tjetër kujtojmë se Anxhela do të ngjitet në skenën e “Eurovision-it” në natën e dytë, më 20 maj dhe do të jetë e 11-ta në radhë që do të performojë.
