Arsim Kuçi, babai i Edit sqaron postimet në rrjet: Jemi të shokuar

Arsim Kuçi, babai i Eduart Kuçit, ka thyer heshtjen pas publikimit të videos ku djali i tij shihet duke u dhunuar fizikisht nga Jozefin Marku.

Në një prononcim të shkurtër për emisionin “Shqipëria Live”, Kuçi tha se familja e ka përjetuar rëndë ngjarjen, duke theksuar se të gjithë janë të tronditur. Ai tregoi se e ka mbështetur të birin që në fillimet e tij në Top Channel, ndërsa pas kësaj ngjarjeje familja ka mbetur e shokuar.

Për momentin, Arsim Kuçi ka bërë të ditur se nuk është i gatshëm të japë intervista të gjata për mediat. Ai gjithashtu sqaroi se disa postime dhe deklarata që po qarkullojnë në rrjetet sociale në emrin e tij nuk janë bërë prej tij dhe as me dijeninë apo iniciativën e tij.

Kuçi u distancua kështu nga çdo reagim jozyrtar, përfshirë edhe pretendimet për hakmarrje ndaj Jozefin Markut apo personave të tjerë të përfshirë në ngjarje.

Deklarata e plotë

Faleminderit për interesimin tuaj. Ju jemi mirënjohës. E kemi përjetuar shumë keq ngjarjen, sepse Shqipëria është vendi i shqiptarëve.

Për këtë arsye kam lejuar djalin tim të marrë pjesë në Top Channel në fillimet e karrierës. Por nga ky rast jemi të shokuar dhe pa fjalë.

Sa i përket asaj që postohet, dua të sqaroj se postimet që qarkullojnë nuk janë bërë nga unë dhe as me iniciativën time.

Për momentin nuk jam i gatshëm të jem prezent në media, sepse nuk kam çfarë të them më shumë. Me respekt, Arsim Kuçi.