Bebe Rexha shpërthen në lot: Ma shpif trupi im

Këngëtarja me origjinë shqiptare, Bebe Rexha thotë se nuk është e kënaqur me trupin e saj. Ajo ka postuar në Tiktok një video ku shprehet se ia shpif trupi i vetë dhe siç tregon asnjëherë nuk ka qenë më e rëndë së tani sa i përket peshës trupore.

”Janë festat e fundvitit dhe të gjithë supozohet të jemi të lumtur. U peshova tani, por nuk ndihem komode ta ndaj numrin me ju sepse kam turp. Ma shpif trupi im. Nuk kam postuar aq shumë sepse nuk ndihem mirë në lëkurën time dhe kur nuk ndihem mirë nuk kam dëshirë të postoj. Sinqerisht kjo është arsyeja pse nuk kam qenë shumë aktive këtë vit si vitet paraprake”.

Kjo deklaratë e këngëtares, ka shokuar fansat pasi Bebe Rexha më parë ka publikuar në rrjetet sociale imazhe të trupit të saj shoqëruar me mesazhe inkurajimi për njerëzit që ndihen keq me format trupore.