Befason Cllevio, del kundër protestës: Unë jam me Edi Ramën me bossin

Cllevio u paraqit këtë të mërkurë në Gjykatën e Posaçme Kundër Korrupsionit dhe Krimit të Organizuar (GJKKO).  Prania e tij në dyert e GJKKO-së ka tërhequr menjëherë vëmendjen e gazetarëve të shumtë që po ndiqnin seancën.

Sapo ka përfunduar dëshminë dhe ka lënë ambientet e gjykatës, Kleviol Ahmeti është ndaluar nga gazetarët e pranishëm për të dhënë një prononcim. Ai është pyetur edhe mbi aktualitetin politik, duke e pyetur se çfarë mendimi kishte në lidhje me protestat që po zhvillohen në vend për mbrojtjen e Nartës.

Përgjigjja e Cllevios ka qenë mjaft e prerë, duke shprehur hapur mbështetjen e tij politike për kryeministrin e vendit. “Unë jam me Ramën, me bossin”.