Beyoncé ekspozon linjën e saj të këpucëve… mbi të pasmet

Trupi i ekspozuar shet, kështu ka qenë gjithmonë dhe tendencialisht kështu do të mbetet përherë. E di shumë mirë këtë gjë Beyonce që publikon këpucët e saj të reja… të mbështetura tek të pasmet.

Këngëtarja është shfaqur shpërthyese në fushatën e koleksionit të saj të ri Ivy Park x Adidas, të dizenjuara prej saj.

Poza sensuale, një trupore me tanga që i nxjerr në hap të pasmet dhe gërshetat e gjatë afrikan, që kanë të shkruar logon e firmës së saj.

Celësin për suksesin ne tashmë e njohim dhe Beyonce, që është një sipërmarrëse eksperte, e di akoma më mirë. E lindur në 2014 nga bashkëpunimi mes Beyonce dhe Sir Philip Green, pronar i Topshop, Ivy Park dukej se do të mbyllej pas prishjes së marrëdhënieve mes tyre, ardhur si pasojë e abuzimeve të dyshuara seksuale për të cilat Green u akuzua.
Megjithatë këngëtarja arriti të krijojë një partneritet, sa historik aq edhe fitimprurës, me Adidas dhe është gati të ringjallë me pompozitet idetë e saj.

Nga 18 janar do të jetë e mundur t’i bleni online dhe në dyqanet e seleksionuara, gamën e produkteve të ideuar nga Beyonce, me çmime që janë nga 25 deri në 250 dollarë. Me ngjyra, forma të përshtatshme, atlete dhe taka të larta, linja e re parashikohet të shitet shumë shpejt. Nëse ka një gjë që Bey e bën më mirë është të kënaqë të gjitha format dhe masat.