Dasma Mbretërore, Peshkopi prek botën me poezinë
Peshkopi amerikan i bëri të gjithë për vete gjatë ceremonisë së betimit të Meghan dhe princ Harry. Ai e lexoi fjalimin nga Ipadi, dhe njihet si predikues mahnitës dhe këtë e vërtetoi sot në dasmën e çiftit mbretëror.
Michael Curry e hapi fjalimin me fjalët e udhëheqësit të famshëm të të drejtave Martin Luther King. ”Ne duhet të zbulojmë fuqinë e dashurisë, fuqinë shpenguese të dashurisë. Dhe kur ta arrijmë këtë, do jemi në gjendje ta kthejmë këtë botë të vjetër në një botë të re. Dashuria është e vetmja rrugë, e vetmja mënyrë, e vetmja zgjidhje. Më pas peshkopi shtoi: Ka pushtet në dashuri, mos e nënvlerësoni, mos e shmangni sentimentalizmin, ka fuqi, ka fuqi të madhe në dashuri. Duhet të trajtojmë njëri tjetrin si një familje e vërtetë”.
Pas fjalimit të Curry, në sfond vendoset kënga ”Stand By Me”, e kënduar nga Karen Gibson dhe kori mbretëror. Michael Bruce Curry, i lindur në Illinois të SHBA-ve është 65-vjeç, peshkopi dhe primati i 27-të dhe aktual i kishës episkopale.
Poezia
Më vendos si shenjë (vulë) mbi zemrën tënde,
si vulë në krahun tënd;
sepse dashuria është e fortë si vdekja,
pasioni i fortë ( i ashpër) si varri.
Shumë ujëra nuk mund ta mposhtin dashurinë,
as lumenjtë nuk mund ta mbysin.
Mendoni për dashurinë në çfarëdo forme. Ndihesh mirë kur të duan, ndihesh mirë kur e shpreh dashurinë. Ka një arsye për këtë. Një poemë e vjetër mesjetare thotë: Pranë dashurisë së vërtetë, ndodhet vetë Perëndia.
Bibla, 1 John 4 thotë:
”Të dashur, le ta duam njëri-tjetrin sepse dashuria vjen nga Perëndia; Gjithkush që do, është i lindur nga Perëndia. Kushdo që nuk dashuron, nuk e njeh Perëndinë. Sepse Perëndia është dashuri. (1Gjoni 4: 4-8). Ka fuqi në dashuri. Dashuria mund të ndihmojë dhe të shërojë atëherë kur asgjë tjetër nuk mundet, po.. kur asgjë tjetër nuk mundet”.