Debati për natyrën/ Yll Limani jep shembullin konkret, dhuron 100 pemë për Tiranën

Showbiz E Enjte, 11 Qershor 2026 20:01

Në debatin e madh për mbrojtjen e natyrës, këngëtari Yll Limani një ditë para koncertit në Tiranë, ka kontribuar në mbjelljen e 100 pemëve, duke e kthyer një moment artistik në një gjest me ndikim afatgjatë për mjedisin. Në mesazhin e tij, këngëtari thotë se çdo pemë dhe çdo hapësirë e gjelbër ka rëndësi, pavarësisht sa i vogël duket kontributi. Një kujtesë e thjeshtë, por e fortë se ndryshimi fillon nga veprimet konkrete.

Ky gjest vjen si pjesë e një fryme gjithnjë e më të pranishme në Tiranë për gjelbërimin dhe kujdesin ndaj mjedisit, në një kohë kur qytetet kanë gjithnjë e më shumë nevojë për hapësira të gjelbra dhe frymëmarrje më të pastër.

Tirana fiton kështu edhe një simbol tjetër të vogël, por domethënës: 100 pemë më shumë që do të rriten bashkë me qytetin. Kur një figurë publike zgjedh të lërë pas jo vetëm muzikë, por edhe një gjurmë në natyrë, mesazhi bëhet më i fortë se çdo skenë.